Bu gün Avstraliya Senatı bir qədər əvvəl təklif olunmuş və ölkə hökuməti tərəfindən yüksəksürətli ümummilli internet-magistralın yaradılmasına 36 milyard Avstraliya dolları (35 milyard ABŞ dolları) məbləğində vəsaitin ayrılmasını nəzərdə tutan qanun layihəsini qəbul edib.

Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, ilkin mərhələdə ölkədə genişzolaqlı internetin inkişafına təxminən 31 milyard ABŞ dolları məbləğində maliyyə vəsaiti ayrılacaq.

Bu cür irimiqyaslı planın həyata keçirilməsi üçün hökumət tərəfindən dövlət korporasiya kimi bir qurumun yaradılması nəzərdə tutulur və həmin strukturun səhmlərinin ən azı 51 faizi məhz hökumətə məxsus olacaq.
Tikintisi təqribən 8 ilə başa çatacaq yeni şəbəkənin mövcud kanallarla müqayisədə internetə 100 dəfə daha sürətli çıxış təqdi ... Ardı »

Azərbaycanın Mətbuat Şurası Azərbaycandakı internet-xəbər resurslarında jurnalistlərin peşə davranışı qaydalarının pozulmasına nəzarət edəcək.

Bu barədə Trend-ə açıqlamasında Azərbaycan Mətbuat Şurasının sədri Əflatun Amaşov bildirib. Azərbaycanda bəzi məqamlarda internet-xəbər resurslarından istifadə olunarkən, insanlar haqqında xəbərlər verilərkən jurnalistlərin peşə davranışı qaydalarının tələbləri pozulur. Mətbuat Şurası bu məsələlərlə bağlı fəaliyyətini genişləndirib. Biz artıq internet-resurslarla bağlı şikayətləri də qəbul edirik, onlara baxırıq. Bu vaxtdan etibarən Şuraya internet-resurslarla bağlı şikayətlər ünvanlanarsa, həmin şikayətləri Mətbuat Şurası qəbul edəcək və araşdıracaq, - Amaşov əlavə edib. Hazırda Azərbaycanda 20-yə yaxın populyar internet-xəbər resursu fəaliyyət göstərir. Onun sözlərinə görə, gələn ilin yanvar ayında internet-xəbər resurslarına nəzarət məsələsi ilə bağlı xüsusi tədbir də keçiriləcək. Həmin tədbirdə bu sahədəki real vəziyyətlə bağlı hesabat t ... Ardı »