biaz

Gürcüstan səfəri

Sprinq — Fri, 04 Sep 2015 04:00:04 GMT

1-4 dekabr 2014-cü il tarixdə Avropa otelinin Bakı Ball zalında Azərbaycan Respublikasının Təhsil Problemləri İnstitutunun təşkilatçılığı ilə Beynəlxalq Humanitar Pedaqogika Mərkəzinin prezidenti, Rusiya Təhsil Akademiyasının akademiki, yazıçı, psixologiya elmləri doktoru, professor Şalva Aleksandroviç Amonaşvili və Beynəlxalq Humanitar Pedaqogika Mərkəzinin vitse prezidenti, yazıçı, psixoloq, “Basti-Bubu” uşaq bağçasının elmi rəhbəri Paata Şalvoviç Amonaşvilinin iştirakı ilə “Təhsil prosesində uşaqlara şəxsiyyətyönümlü-humanist yanaşmanın əsasları” mövzusunda konfrans seminar keçirilmişdir. Zaqatala rayonundan da bir qrup müəllim tədbirdə fəal iştirak etdi və beynəlxalq sertifikat aldı.

Humanist pedaqogika ilə bağlı müəyyən seminarlar keçirmək haqqında Bakı, Sumqayıt və Zaqataladan olan müəllimlərin dəfələrlə etdiyi təklifi və arzusunu nəzərə alaraq Zaqatala Tədris Mərkəzinin direktoru C. Ağayev (CISCO ID #CISCO 10818443) 2015-ci il avqust ayında “Basti-Bubu” uşaq bağçasının elmi rəhbəri Paata Şalvoviç Amonaşvili ilə görüşərək, müəllimlərin arzularını ona çatdırdı. Növbəti söhbətlərdə görüş-seminarın 31 avqust, Şalva Aleksandroviç Amonaşvilinin malikanəsində (usadba) yerləşən Tədris Mərkəzində keçirilməsi planlaşdırıldı və həyata keçirildi.

Biz Tiflisə gedəndə Şalva Aleksandroviçlə görüşəcəyimizə ümid etmirdik. Ancaq həyətə daxil olduqda bizi qarşılayan Amonaşvilini görəndə sevincimizin həddi-hüdudu yox idi. Şalva Aleksandroviç və ailə üzvləri bizi elə mehribanlıqla qarşıladılar ki, o anları ifadə etmək üçün söz tapa bilmirik. O görüş, o seminar hər birimizin həyatında ən xöşbəxt, unudulmaz,… günlərdən biri idi. Səmimi söhbətlər, maraqlı, qiymətli kiçik mühazirələr, müzakirələr, araşdırmalar,… maraqlı, mürəkkəb suallar, bu sualların dolğun cavabları,… Şalva Aleksandroviçin mühazirələri, Paata Şalvoviçin müəllimlərin suallarına verdiyi cavablar, Rusiya Elmlər akademiyasının müxbir üzvü professor Mindeli Levan Elzibaroviç ilə Azərbaycan və Rusiya elmi, təhsilinin tarixi, problemlərinə aid söhbətlər,…

Bu Zaqatala Tədris Mərkəzinin həyata keçirdiyi ilk tədbir deyildi. Hələ 2008-ci ildə ancaq Bakı və Sumqayıt müəllimləri üçün keçirilən “İntel-Gələcək üçün təhsil” kursları aidiyyəti olan yoldaşların dəstəyi ilə Zaqatalada keçirilməyə başlamış, mərkəzlər açılmış, bir neçə il ərzində davamlı olaraq 1000-dən artıq müəllim bu kurslar vasitəsilə İKT-dən istifadə bacarıqlarına yiyələnmişlər. Rayon müəllimlərində XXI əsrin tələb etdiyi kompetensiyaların formalaşmasında və təkmilləşməsində Türkiyədən, Bakıdan, Gəncədən gələn mütəxəssislərin keçirdiyi təlimlərin, kurslar, seminarların və s. tədbirlərin əhəmiyyəti danılmazdır. Zaqatala müəllimləri, tələbələri, şagirdlərinin Bakıda, Gəncədə və s. yerlərdə keçirilən müxtəlif istiqamətli respublika və beynəlxaq səviyyəli konfrans, seminar, təlim, müsabiqə və s. kimi tədbirlərdə fəal iştirak etməsi və qaliblər sırasında olmasında Zaqatala Tədris Mərkəzinin böyük rolu olmuşdur. Buna görə də müxtəlif istiqamətli məhsuldar fəaliyyətinə görə mərkəzin direktoru Ağayev Cavanşir müəllimə dərin minnətdarlığımızı bildirir və gələcək fəaliyyətində tükənməz müvəffəqiyyətlər arzulayırıq!

Cavanşir müəllim, Sizin 50 illik yubileyinizdə rayon ictimaiyyətinin, Bakıdan gələn nümayəndələrin, sizin dəstəyinizlə keçirilən “Eruditı planetı” və s. müsabiqələrin qaliblərinin valideyinlərinin dediyi kimi, ÇOX SAĞ OLUN! Nə yaxşı ki, respublikada öz uğurları ilə seçilən Zaqatala təhsil işçilərinin, müəllimlərin, tələbə və şagirdlərin yanında Sizin kimi vətənpərvər, fədakar,… XXI əsrin tələb etdiyi bacarıqlara malik mütəxəssislər var!

rus dilində

səkillər

səkillər seminar

Oxu strategiyasi

ztmmmc — Thu, 20 Nov 2014 04:58:05 GMT

Oxu strategiyası materiallar: I hissə, II hissə

Fotolara baxmaq üçün!

Noyabr ayında Zaqatala rayonunda III sinifdə Azərbaycan dili...

ztmmmc — Wed, 19 Nov 2014 04:47:15 GMT

Noyabr ayında Zaqatala rayonunda III sinifdə Azərbaycan dili fənnini tədris edən 81 nəfər müəllimə (3 qrup olmaqla) seminarlar keçirildi. Seminarda müəllimlər şagirdlərin oxuyub-anlama bacarıqlarının inkişaf etdirilməsi yolları , Strategiyalı oxu, Beynəlxalq qiymətləndirmə proqramları və s. materiallarla bağlı təlimatlandırıldılar.

Zaqatala rayonunda “İnnovativ müəllimlər” qrupunun yaradılması və ..

ztmmmc — Wed, 19 Nov 2014 04:46:46 GMT

“Əsl mütəxəssis zamanla ayaqlaşmalı deyil, həmişə zamanı bir qədər qabaqlamalıdır”.

H.Əliyev

Zaqatala rayonunda “İnnovativ müəllimlər” qrupunun yaradılması və onların köməyi ilə müəllimlərin yeni təlim metodlarının tətbiqi faizinin yüksəldilməsi, inteqrativ dərslərin keçirilməsi, elektron tədris vəsaitlərinin hazırlanması üçün praktik bacarıqların lazımı səviyyəyə çatdırılması, inkişaf etdirilməsi məqsədilə 40 nəfər müəllim və tədris işləri üzrə direktor müavini olmaqla iki qrupa keçirilən 4 aylıq (həftədə bir gün olmaqla) təlimlər başa çatdıqdan sonra da ayda bir dəfə müxtəlif fənn müəllimləri Zaqatala Tədris Mərkəzində toplaşır, qarşılaşdıqları problemlər, onların həll yolları ilə bağlı müzakirələr edir, qazandıqları təcrübəni paylaşırlar. Bəzi hallarda müəllimlər müzakirələri Onlayn-Skype proqramından istifadə etməklə aparırlar. Bir neçə müəllim hazırladığı elektron tədris vəsaitləri ilə “Elektron təhsil” müsabiqəsinə qoşulmuşlar. Müsabiqəyə qoşulan hər bir müəllimə uğurlar arzu edirik!

“İnnovativ müəllimlər” qrupunun hr bir üzvü layihə çərçivəsində keçirilən təlimlərdə qazandığı bilik və bacarıqlara işlədiyi məktəbdə həmkarlarının da yiyələnməsinə çalışır, müəllim yoldaşlarının dərsləri müasir tələblərə uyğun qurmasına yardımçı olurlar.

”Elektron Təhsil“ Respublika müsabiqəsi

ztm — Sat, 13 Sep 2014 07:37:38 GMT

”Elektron Təhsil“ Respublika müsabiqəsi

paint

Qaycinin tarixi maddənin tərkibi

Qəbələdə ali məktəblər üçün yeni və müasir binalar inşa olunur.

Sprinq — Sat, 23 Aug 2014 05:42:33 GMT

Gələcək plana görə, Bakıda yerləşən bəzi universitetlər bu şəhərə köçürüləcək.

Məlumatda bildirilir ki, Bakının mərkəzindəki ali təhsil müəssisələrinin paytaxtdan çıxarılması nəzərdə tutulub. Bu siyahıya Dövlət Tibb Universiteti, Pedaqoji Universitet, Texniki Universitet, Memarlıq və İnşaat Universiteti, İqtisad Universiteti və digərləri aiddir. Dövlət Neft Akademiyasının da köçürülməsi planda olsa da, yeri məlum deyil. İddialara görə, universitetlərdən bəziləri şəhər kənarına, bəziləri isə Qəbələyə köçürüləcək, BDU isə Bakıda qalacaq.

Hökumət ali məktəbləri Qəbələyə köçürməklə paytaxtdakı sıxlığı aradan qaldırmaq istəyir.

Xatırladaq ki, dünyanın böyük meqapolislərində ali təhsil müəsisələri paytaxtın mərkəzində yerləşmir. Bu, həm tələbələrin mikromühitinin formalaşması, həm də şəhərin sıxlığının azalması baxımından əhəmiyyətli sayılır./axar.az

Təhsil Nazirliyi yeni qaydalar hazırlayır

ztm — Wed, 04 Jun 2014 04:24:51 GMT

Təhsil Nazirliyi yeni qaydalar hazırlayır

Təhsil Nazirliyinin Təhsil keyfiyyətinin qiymətləndirilməsi sektorunun müdiri Emin Əmrullayev bu gün keçirilən mətbuat konfransında deyib: "Hazırda nazirlik tərəfindən direktorların işə qəbulu qaydaları hazırlanır. Düşünürəm ki, bu ilin sonuna kimi, növbəti tədris ilindən bu istiqamətdə də bəzi yenilikləri ictimaiyyətə çatdıra biləcəyik".

E.Әmrullayev qeyd edib ki, məktəb direktoru kimi çalışan və gələcəkdə məktəbin idarə edilməsində fəaliyyət göstərən kadrlar üçün ötən ilin noyabr ayından keçirilməyə başlanılan təlim kursları başa çatıb.

Bu təlimlərin attestasiya xarakterli olmadığını deyən E.Әmrullayev bildirib ki, təlimlər direktorların öz işlərini daha səmərəli qurması və gələcəkdə yarana bilən vakansiyaları doldurmaq məqsədilə keçirilir.
Təlim kurslarında iştirak etmək üçün 800-ə yaxın müraciət daxil olub. Təlimlərdə iştirak üçün keçirilən müsabiqənin I mərhələsində 200-ə yaxın namizadin ərizəsi qəbul edilib, onlardan 172 nəfəri imtahana, 80 nəfərə qədəri isə müsahibəyə buraxılıb. Ümumilikdə sonda 53 nəfər təlimdə iştirak edib. Təlimlər zamanı onlara kurikulum, təhsillə bağlı ətraflı məlumatlar verilib. Təlimdə iştirak edən 52 nəfər müdavim yekun qiymətləndirmədə iştirak edib.

E.Əmrullayev bildirib ki, imtahan nəticələri bu həftə məlum olacaq və onlar uğur sertifikatı ilə mükafatlandırılacaqlar: "Sonradan Bakı şəhərində mövcud olan və gələcəkdə yaradılacaq rəhbər vəzifələrə təyinatlar zamanı üstünlük bu şəxslərə veriləcək. Bu tipli layihələr təhsilin keyfiyyətinin qaldırılması, təhsil islahatlarının keyfiyyətli həyata keçirilməsinə addım olacaq".

Müəllimlərin bilik və səriştəsinin sınaq qiymətləndirilməsi barədə Azərbaycan Respublikası təhsil nazirinin əmri

Sprinq — Mon, 12 May 2014 20:21:56 GMT

Müəllimlərin bilik və səriştəsinin sınaq qiymətləndirilməsi barədə Azərbaycan Respublikası təhsil nazirinin əmri

Azərbaycan Respublikası Prezidentinin 2013-cü il 24 oktyabr tarixli 13 nömrəli Sərəncamı ilə təsdiq olunmuş "Azərbaycan Respublikasında təhsilin inkişafı üzrə Dövlət Strategiyası"nda təhsilalanların fərdi xüsusiyyətlərini nəzərə alan innovativ təlim metodları və texnologiyaları vasitəsilə təhsilin məzmununun səmərəli mənimsənilməsini təmin edən yüksək nüfuzlu təhsilverənin formalaşdırılması əsas hədəflərdən biri kimi müəyyənləşdirilmişdir. Bu hədəfə nail olmaq üçün müəllimlərin peşəkarlıq səviyyəsinin daim yüksəldilməsini, müəllim peşəsinin nüfuzunun artırılmasını, müəllimin karyera inkişafı və fəaliyyətinin stimullaşdırılmasını təmin edən yeni sistemin yaradılması nəzərdə tutulmuşdur.

Dövlət Strategiyasının icrası istiqamətində ümumi təhsil müəssisələrində işləyən müəllimlərin peşəkarlıq səviyyəsinin qiymətləndirilməsi və əlavə təlim ehtiyaclarının müəyyənləşdirilməsi məqsədilə "Azərbaycan Respublikasının Təhsil Nazirliyi haqqında Əsasnamə"nin 13.5-ci bəndini rəhbər tutaraq

ƏMR EDİRƏM:

1. 2014-cü ilin iyun ayında Bakı şəhərinin bütün dövlət ümumi təhsil müəssisələrində çalışan müəllimlərin bilik və səriştəsinin sınaq qiymətləndirilməsi aparılsın.

2. Bakı Şəhəri üzrə Təhsil İdarəsinə tapşırılsın ki:

2.1. Bakı şəhərinin ümumi təhsil müəssisələrində işləyən müəllimlərin ixtisaslar üzrə siyahılarının bir həftə müddətinə hazırlanmasını təmin etsin;

2.2. 2014-cü il may ayının 25-dək hər bir ixtisas üzrə test bankının hazırlanması, ekspertizadan keçirilməsi, müəllimlərin sayına uyğun sual kitabçaları və cavab kartlarının çapı ilə əlaqədar tədbirləri görsün;

2.3. müəllimlərin bilik və səriştəsinin sınaq qiymətləndirilməsi aparılacaq mərkəz, hər bir mərkəz üzrə rəhbər və nəzarətçiləri müəyyənləşdirsin;

2.4. sınaq qiymətləndirmənin məqsəd və mahiyyəti barədə pedaqoji heyətin məlumatlandırılmasını təmin etsin;

2.5. sınaq qiymətləndirmədə bütün müəllimlərin iştirakını təmin etsin;

2.6. sınaq qiymətləndirmə başa çatdıqdan sonra cavab kartlarının yoxlanılmasını təşkil etsin və nəticələri rəhbərliyə təqdim etsin;

2.7. nazirliyin aidiyyəti şöbələri ilə birlikdə sınaq qiymətləndirmənin nəticələrini təhlil etsin və müəllimlər əmək fəaliyyətinin optimallaşdırılması üzrə təkliflər hazırlasın.

3. Elm və ali təhsil şöbəsi (G.Hüseynova), Məktəbəqədər və ümumi təhsil şöbəsi (A.Əhmədov), İnsan resursları şöbəsi (F.Qədirov), Dünya Bankının maliyyə dəstəyi ilə Təhsil Nazirliyində həyata keçirilən Layihələrin Əlaqələndirmə Qrupu (E.Rüstəmov), Bakı Pedaqoji Kadrların İxtisasartırma və Yenidənhazırlanma İnstitutuna (A.Zamanov) tapşırılsın ki, sınaq qiymətləndirmənin nəticələri əsasında ümumi təhsil üzrə fənn kurikulumlarının və ixtisasartırma təhsili proqramlarının təkmilləşdirilməsi, müəllim hazırlığı proqramlarının yeniləşdirilməsi üzrə təkliflər hazırlayıb təqdim etsinlər.

4. Bakı şəhərində yerləşən dövlət ümumi təhsil müəssisələrinin rəhbərlərinə tapşırılsın ki, müəyyənləşdirilmiş vaxtda müəllimlərin sınaq qiymətləndirmədə iştirakını təmin etsinlər.

5. İqtisadiyyat şöbəsi (R.Orucov) sınaq qiymətləndirmənin keçirilməsi ilə əlaqədar müvafiq maliyyə məsələlərinin həll olunmasını təmin etsin.

6. İnformasiya şöbəsi (E.Əliyev) əmrin "Azərbaycan müəllimi" qəzetində dərc edilməsini, aidiyyəti struktur qurum və bölmələrə çatdırılmasını və Nazirliyin internet saytında yerləşdirilməsini təmin etsin.

7. Əmrin icrasına nəzarət nazir müavininə (C.Bayramov) həvalə edilsin.

Mikayı CABBAROV,
Azərbaycan Respublikasının təhsil naziri
6 may 2014-cü il

Artıq bir neçə elektron tədris vəsaiti hazırlanmışdır.

Ulya — Fri, 25 Apr 2014 03:25:15 GMT

Zaqatala rayonunda “İnnovativ müəllimlər” qrupu fəaliyyətə başlayır.
Artıq bir neçə elektron tədris vəsaiti hazırlanmışdır.
Onlardan birini Sizin müzakirəniz üçün təqdim edirik!

antik kimya 2

müəllim: Əsmər Həmid Zaqata HFG

Layihə rəhbəri: İsmayılova B. İ.

Zaqatala rayonunda “İnnovativ müəllimlər” qrupu yaradılacaqdır!

ztm — Thu, 30 Jan 2014 04:38:06 GMT

Azərbaycan Respublikası Təhsil Nazirliyinin 11 oktyabr 2013-cü il tarixli, 842 №- li əmrinə əsasən təşkil olunmuş "İctimai təşəbbüslərin dəstəklənməsi üzrə layihə müsabiqəsi”. Zaqatala rayonunda "İnnovativ müəllimlər” qrupunun yaradılması və onların köməyi ilə müəllimlərin yeni təlim metodlarının tətbiqi faizinin yüksəldilməsi.

Tərəfdaşlar: AR Təhsil Nazirliyi, Zaqatala Rayon Təhsil şöbəsi.

Layihə rəhbəri: İsmayılova B. İ.

Qaydalar: Təlimlər 02.02.14 – 01.06.14 tairixlərdə həftədə bir gün olmaqla (şənbə və ya bazar günü) 9⁰⁰-13⁰⁰ saatlarında (kofe-brek daxil olmaqla) keçiriləcək. Əvvəlcədən nəzərinizə çatdırırıq ki, bir gün təlimdə iştirak etməyən sertifikat almayacaq!

MÜRACİƏT FORMASI

Formaya şəxsiyyət vəsiqəsinin, kurikulumla bağlı təlimlərdən, kompüter kurslarından keçmə haqda sənədin surətini əlavə etmək lazımdır.

Doldurulmuş formalar 06.02.2014 tarixinə qədər Zaqatala Tədris Mərkəzinə həftənin iş günlərində 15⁰⁰-16⁰⁰ aralığında qəbul ediləcəkdir. Ünvan Zaqatala ş. Ümüd Sadıqov küç. 12 ^a(Mərkəzi Poçtun yaxınlığında).

Əlaqə üçün: z_tm@bk.ru

Telefon 0705936288