Məşəl kimi yanan ürək!
H. Əliyev və Azərbaycan sözləri tariximizin və milli varlığımızın əsas qayəsi, ucalıq və əlçatmazlıq zirvəsidir. Milli məfkurəmizdə qoşalaşan bu adlar naminə tərəqqiyə, inkişafa doğru bir yol başlamışıq. Tarixin heç bir sınağı bizi bu yoldan döndərə bilməyəcək!
Qoca Qafqazda yaşlı bir ixtiyardır Azərbaycan. H. Əliyev bu ixtiyara dayaq olan bir övladı!
Min-min illik tarix kitabındadır Azərbaycan. Milyonların ürəyindədir, yaddaşındadır Ulu öndər!
Dünəndir, bugündür, sabahdır Azərbaycan! Azərbaycan adlı sabahın yaradıcısıdır Ulu öndər!
Azərbaycan bir zirvədir və bu zirvədə dayanıb xalqa tükənməz sevgisini Tanrı qarşısında təsdiq edən Azərbaycanın qartal oğludur H. Əliyev!
Ömrünü xalqına həsr etmiş görkəmli dövlət xadimi, dünya şöhrətli siyasətçi, fenomenal şəxsiyyət, mahir diplomat, elmi düşüncənin müxtəlif sahələrinə aid orijinal ideyalar müəllifi,... Heydər Əliyevin şah əsəri dünya dövlətləri arasında artıq öz imzası olan müstəqil Azərbaycanımızdır! Azərbaycan Ulu öndərin əbədi sevgisi, H. Əliyev isə zəmanəmizin ən böyük Azərbaycanlısı idi! Dünya Azərbaycanlılarının milli birlik və həmrəylik gününün təsis edilməsi, Bakıda dünya azərbaycanlılarının ilk qurultayının keçirilməsi, dünyanın müxtəlif ölkələrində azərbaycan diasporunun yaradılması,... H. Əliyevin adı ilə tariximizə daxil olmuşdur.
Azərbaycan xalqı bu gün Ulu öndərin ideyalarının ləyaqətli davamçısı Möhtərəm Prezidentimiz İlham Əliyev cənablarının rəhbərliyi altında demokratik inkişaf yolunda inamla irəliləyir, gəncliyimiz Azərbaycançılığa sədaqət ruhunda müstəqil dövlətimizin inkişafına öz yaradıcı əməyini həsr edir.
|