“Microsoft”un rəhbəri Bill Qeyts və “Sun Microsystems” şirkətinin təsisçisi Vinod Hosl yeni ifrat qənaətcil mühərrik yaratmaq niyyətinə düşüblər.

Bu məqsədlə onlar “EcoMotors” şirkətinə 23 milyon dollar sərmayə yatırıblar.

Yeni yaradılacaq mühərrik ənənəvi daxili yanma mühərriklərindən daha yüngül, ucuz və 50% daha qənaətcil olacağı ehtimal edilir. Yanacaq sərfinin azalması ekoloji problemlərin də həllinə kömək edəcək. Yeni mühərrik avtotexnika, traktor və gəmilərdə tətbiq ediləcək.