Keçən dərs ilinin may ayında Moskvadan "Eruditı Planetı” müsabiqəsinə qoşulmaq üçün dəvət  aldıq və 4 qrupla həmin müsabiqəyə qoşulduq. Yay tətilində tələbə və məktəblilər həvəslə Moskvadan  gələn tapşırıqlar əsasında çalışdılar, avqust ayında müsabiqənin regional turu keçirildi. I yeri qazanan 4  nəfər sentyabrın 29-da İnternet vasitəsilə Moskvaya- müsabiqənin final mərhələsinə qoşuldu. Qalib  gələcəyimizə ümid etmirdik. Hamının dediyi kimi, qoşulmağımız özü qələbə idi bizim üçün. Amma bir  tələbə və bir məktəblimizin adının İnternetdə Müsabiqənin ən yaxşı iştirakçıları siyahısında olması  bizi çox sevindirdi. Noyabr ayında yenə də tələbə və məktəblilərimiz İnternet vasitəsi ilə müsabiqəyə  qoşulmaq arzusunda idilər. Bu günlərdə aldığımız yeni xəbər də bizi sevindirdi: 4-7 noyabrda Moskvaya--  III Beynəlxalq İntellektual Oyunlar olimpiadasında iştirak etməyə dəvət olunduq.