2009/2010-cu  tədris  ilinin  may  ayında  Bahar  müəlliməyə  şagirdləri  ilə  birgə ”Eruditı  planetı" müsabiqəsinə qoşulmaq təklif olundu.  Bahar  müəllimə  Zaqatala  Tədris  Mərkəzinin  köməyi  ilə  Moskvakı  təşkilat  komitəsi  ilə əlaqə yaratdı və qeydiyyatdan keçdi,  amma məktəblilərin hazırlığı lazımı səviyyədə hesab edilmədiyindən  həmin il müsabiqəyə qoşulmaq məsləhət olmadı.  Bahar  müəllimə və  şagirdləri  bu il may ayında Moskvadan müsabiqəyə dəvət olundu və zaqatalalılar  bir  neçə  müəllim, ibtidai sinif,   orta pillə, yuxarı sinif şagirdləri və tələbə gənclərdən ibarət  4 qrupla müsabiqəyə qoşuldu.

Yay tətilində Moskvadan göndərilmiş suallar,  tapşırıqlar, məntiqi misallar əsasında şagirdlər,  tələbələr həvəslə,  məsuliyyətlə  məşğul oldular. Sentyabr ayında  müsabiqənin  regional  turu  keçirildi və  iştirakçılar qazanılmış nəticələrə görə Moskvadan göndərilən diplom və sertifikatlara  uyğun  I,  II, III  yerlərə layiq  görüldülər.   Yay  tətilində  bir  neçə  dəfə  ZTM-n  köməyi  ilə  məktəblilər  arasında  onlayn  konfrans  keçirildi,  müzakirələr  aparıldı.  Sentyabrın  3-də  üçüncü  onlayn  konfransda  ZTM-n  eksperti  Ülviyyə  Ağayevanın  iştirakı  ilə  bloqların  işi  qiymətləndirildi  münsiflər  heyətinin  üzvü  Dilarə  İsmayılova  başqa  məktəblərin  şagirdlərinini  bu  layihəyə  qoşulmaq  arzusunu  təşkilat  komitəsinə  çatdırdı.

Sentyabr ayının 29-da--bu gün iştirakçılar müsabiqənin  Moskvada  İnternet vasitəsi ilə keçiriləcək final mərhələsinə qoşulurlar.  Hamıya  uğurlar  arzu  edirik! Əlavə olaraq 7 nəfər iştirakçımız müxtəlif mövzularda şəxsi bloqlarını yaratmışlar  və  həmin iştirakçıların  aprel ayında bu bloqlarla "Elektron təhsil” müsabiqəsinə qoşulmağı nəzərdə tutulmuşdur. 

http://daglaroglu.azersayt.com/

http://tebiet.azersayt.com/

http://sifasol.azersayt.com/

http://zerif.azersayt.com/