Kiçik tamamlayıcı proqramdır. Onlardan Web-səhifənin xarici görünüşünü yaxşılaşdırmaq və imkanlarını artırmaq üçün istifadə olunur. Adətən appletlər Java proqramlaşdırma dilində yazılır.
Bad Clusters
Sərt diskin mexaniki zədələnmələr olan hissələridir. Burada olan verilənlərin oxunması və dəyişdirilməsi qeyri-mümkündür.
Banner
İnternet səhifələrində çox da böyük olmayan reklam şəklidir, adətən animasiyalı olur.
Baud(Bod)
Verilənlərin ötürülmə sürətinin ölçü vahidi olub, bir saniyədə ötürülən paketlərin sayını göstərir
Boot
Kompüterin yüklənməsi prosesidir. Bu termin həm də sərt diskdə yüklənmə prosesi üçün zər uri olan informasiyanın saxlanıldığı sahə, hissə kimi başa düşülür
Break
Hər hansı əməliyyatın icrasını saxlamaq, kəsmək deməkdir.
Browser
Web-səhifələrlə işləmək (baxış, yadda saxlamaq)üçün istifadə olunan proqramdır.
Card
İşlənmə yerindən asılı olaraqbu oyun kartı, kredit və ya qeydiyyat kartı, qurğu ola bilər.
Chipset
Bir platanın üzərində yerləşən mikrosxemlər yığımıdır.
CMOS
BIOS-un hissəsidir. Oradakı parametrlərdə dəyişiklik etmək olur. Qurğunun (məsələn, vinçesterin) parametrləri haqqında məlumatı, tarixi, saatı özündə saxlayan, işlədən mikrosxemdir, yarımdaimi yaddaşdır. İnformasiya akkumulyatorun hesabına saxlanılır.
Control Panel
Windows sistemlərinin "nəzarət mərkəzi” hesab olunan idarəetmə panelidir. Bu "virtual qovluğun” vasitəsilə bütövlükdə sistemin bütün paramerlərinə müdaxilə etmək, həm də ayrı-ayrı qurğuları kompüterə tanıtmaq mümkündür
Crack
Müdafiənin "sındırılması", "dağıdılması" əməliyyatı, proqramdır. Proqramların müəlliflik hüququnu parolla, müxtəlif vasitələrlə qoruyurlar. Bu maneəni dəf etmək üçün Crack proqramından istifadə olunur.
Müəlliflik hüququna hörmət etmək hamının borcudur.
