Zaqatala məktəblilərinin Global classroom saytı vasitəsilə Dünyanın bütün uşaqlarına müraciəti.
Hamımıza məlumdur ki, Təbiətdə dəyişikliklər baş verir, qlobal problemlər artır, insanlar həlak olur, zərər çəkir. Dünyamızı, Həyatı yaşatmaq üçün bir-birimizə əl uzatmağın, bütün dünyanın uşaqlarının birləşməsinin vaxtıdır. Bu hər birimiz üçün ən böyük hədiyyə ola bilər. Hər birimiz şüurumuzda, Təbiətə münasibətimizdə, davranışımızda necəsə, nə isə dəyişikliklər etməliyik! Hamımız Allah Taalanın yaratdığı böyük bir Ailənin övladlarıyıq, bu dünyanın bir parçasıyıq, Təbiətin bir hissəsiyik. Bu bir həqiqətdir ki, həyata, Təbiətə olan sevgi hər birimizin, Dünyamızın ehtiyacı olan hər şeydir. Biz parlaq , gözəl günlər yarada bilərik. Bu işi görmək üçün sadəcə hər birimiz nə isə etməyə çalışaq, hər gördüyümüz işə ürəyimizi "qoyaq”. Heç bir ümidimiz olmayanda belə sadəcə inanaq və bir nəfər kimi birləşək, Dünyamızı, özümüzü qoruyaq! Biz bunu etməyə qadirik!
Biz bir Dünyayıq!
Biz bu Dünyanın övladlarıyıq!
|