"PowerPoint proqramında təqdimat yaratmaq” mövzusunda dərs icmalı.
SINIF: X
MƏQSƏD:
a) Şagirdlərdə Internet resurslarla işləmə vərdişlərini art;rmaq, hər hansı mövzunu və s. həmyaşıdlarına təqdim etməyi, onlarla müntəzəm əlaqə saxlamaq imkanlarını öyrətmək, yazı yazma bacarıqları, yazını, şəkli redaktə etmə vərdişlərini inkişaf etdirmək.
b) Şagirdlərin PowerPoint proqramında təqdimatla işləmə bacarıqlarını artırmaq.
v) Şagirdlərin tədqiqatçılıq, yaradıcılıq qabiliyyətini inkişaf etdirmək.
q) Uşaqları ibtidai sinif şagirdlərinin ekoloji maarifləndirilməsinə kömək etməyə cəlb etmək, problemləri aşkara çıxarmaq və situasiyanı qiymətləndirərək problemi həll etməyə çalışmaq qabiliyyəti yaratmağa çalışmaq
DƏRSİN TİPİ: Biliklərin, bacarıq, vərdişlərin dərinləşdirilməsi, yeni bacarıqların əldə edilməsi.
ÜSUL VƏ FƏALİYYƏT NÖVLƏRİ:
a) əqli hücum b) BİBO q) kiçik qruplar, cütlərlə, fərdi iş və rollu oyunlar.
RESURSLAR: Kompüter, şəkillər, musiqi.
DƏRSİN GEDİŞİ:
I MƏRHƏLƏ: Şagirdlərlə salamlaşır, davamiyyəti yoxlayıram.
Şagirdlər İnternetə daxil olub bəzi səhifələri açır, orada olan informasiyanı müzakirə edirlər (Əvvəlki dərsdə ekoloji problemləri araşdırmaq ev tapşırığı kimi verilmişdi) Sonra uşaqların kompüterdə, İnternetdə işləmə bacarıqları qiymətləndirilir.( Lövhənin bi kənarında çəkilən cədvəldə qeyd olunur)
II MƏRHƏLƏ: Tədqiqat sualı: O harada, necə çirklənir?
Müxtəlif reqionlarda hava, su, torpağın çirklənməsi səbəbləri və nəticədə biomüxtəlifliyə dəyən zərbələr araşdırılır, cavabları müzakirə edirik. Lövhəyə səhifə, elektron səhifə, ekoloji problemlər sözlərini yazıram. Şagirdlər bu sözlər haqqında fikrini söyləyir, onların fərqini izah edir, nəticə çıxarırıq
III MƏRHƏLƏ: Şagirdlər lövhənin kənarında BİBO cədvəli çəkirlər, bildiklərini və bilmək istədiklərini dəqiqləşdirirlər
IV MƏRHƏLƏ: Proyektordan istifadə etməklə qısaca yeni məlumatlar verirəm. Havanın, suyun, torpağın çirklənmə mənbələri haqda İnternetdən əldə etdiyimiz məlumatlardan istifadə edərək yaratdığımız kiçik təqdimatları nümayiş etdirir, problemlərin həllinə necə kömək edə biləcəyimizi araşdırırıq, Eko-oyunla maarifləndirməni nümayiş etdiririk.
V MƏRHƏLƏ: Şagirdlər 10 dəqiqə ərzində praktik işlə məşğul olur. Müstəqil işləməyi bacaranlar fərdi və ya cütlər şəklində, nisbətən zəiflər isə 3 nəfərlik qrup şəklində Microsoft PowerPoint proqramında sadə təqdimat yaradır, redaktə edirlər.
VI MƏRHƏLƏ: Hazırlanmış işlər təqdim olunur, qiymətləndirilir, ümumi qiymətləndirmə aparırıq, dərs necə keçdi, şagirdlər hansı vərdişləri qazandılar, dərinləşdirdilər, nəyi yaxşı mənimsəyə bilmədilər, daha yaxşı nəticə almaq üçün nə etməlidirlər? Zəif işləyən şagirdlərə nisbətən yaxşı işləyən şagirdləri hami təhkim edirik.(könüllülük prinsipini əsas tutaraq) Növbəti dərsdə hami şagirdin "şagidi"ində irəliləyiş olmasa, Hamımız birgə səsvermə ilə Hamini "cəzalandırırıq" (bu ümumi qaydamızdır).
Şagirdlərə belə bir sual verirəm: hesab et ki, xaricilərin arasındasan. Vətənimizi onlara təqdim etməlisən, bunun üçün özünlə 3 dənə olmaq şərtilə əşya, məhsul və s. götürə bilərsən. Sən nə götürərdin? Müxtəlif cavablardan ən xoşumuza gələnlərdən biri belə idi:
Qurani Kərimi, Neft daşlarının şəklini, qızılgül, çay və fındıq-qoz götürsəm, məncə hamı başa düşər ki, müsəlmanam, Azərbaycanlıyam, Zaqataladanam.
Hamımız birgə demokratik şəkildə qiymətləndirmə aparırıq, ən yaxşı Hami şagirdə disk bağışlayırıq.
Ev tapşırığı olaraq şagirdlər özləri Zaqatalanın ekoloji problemləri, səbəbləri, aradan qaldırılma yolları və s. bəhs edən təqdimat hazırlamağı təklif etdilər
|