"Yeni nəsil”, "İşıldaböcək” , "Qığılcım”,”Prometey”,... qrupları üzvlərinin rayon məktəblilərinə müraciəti.
Devizimiz: Narazısan, etirazını bildir! Etirazın var, təklif ver, təklifi yerinə yetir, işini uğurla bitir!
Şagirdlərin hamısının elmli, müxtəlif fənlərdən yüksək səviyyədə biliyə malik olması mümkün deyi, amma hər birimizin ürəyində Torpaq, Vətən sevgisi, "Ümumi evimiz”, "şərikli süfrəmiz” olan Ana təbiətə qayğıkeş, humanist münasibət bəsləmək, ətrafımızda olan hər bir çiçəyin, böcəyin, heyvanın taleyi üçün narahat olmaq, faydalı bir iş görməyə çalışmaq kimi insani hisslərin formalaşması və dərinləşməsi vacibdir.
Şagirdlər təbiəti öyrəndikcə, onun sirlərlə dolu zəngin aləminə bələd olduqca, təbiətin sonsuz gözəlliklərini anladıqca onlarda döğma planetimiz, Vətənimiz haqqında incə, dərin hisslər, sağlam düşüncələr yaranır, ürəkdolusu məhəbbət meydana çıxır. Uşaqlar anlayır ki,
Təbiət məharətlə yaradılmış həyat simfoniyasıdır. Burada hər şey öz yerində, öz normasında olmalıdır, onun ahəngdarlığını, harmoniyasını, müqəddəs "hüquqlarını” pozmaq olmaz!
"Təbiət məharətlə yaradılmış həyat simfoniyasıdır!” mövzusunda keçirdiyimiz tədbirlər, gördüyümüz işlər müxtəlif fənlərin mənimsənilməsində bizə yardımçı olur.
Gəlin bütün məktəblərdə müxtəlif qruplar yaradaq və vaxtaşırı görüşlər, yarışlar keçirərək həm özümüz, həm də ətrafımız üçün faydalı işlər görməyə çalışaq!
| 
