~
Azərbaycanın dilbər guşəsi olan Zaqatala rayonu havası, suyu və təbiəti ilə çox seçilir və sevilir. Bu təbiətdə böyüyüb, boya-başa çatmış, Zaqatalanın fəxri sayılan ziyalılarından biri olan A.Bahar müəllimə haqqında, onun gördüyü işlər haqda öz fikirlərimi söyləmək istəyirəm.
Bu günümüzdə təbiəti qorumaq əlçatmaz xəyallarda yaşayan arzuya çevrilib. Bu arzunu reallaşdırmaq üçün hər kəsi maarifləndirmək lazımdır. Bahar müəllimə yaşından asılı olmayaraq böyükdən-kiçiyə bütün şagirdlərə təbiətin sirlərini öyrədir, onlardan necə istifadə etməyi və qorumağı keçirdiyi təcrübələr əsasında aşılayır. Gələcəkdə harada yaşamağından asılı olmayaraq bu günkü gənclər öyrəndiklərini başqalarına da öyrətməyə çalışacaqlar. Bahar müəllimə bu işləri ilə tərifə layiqdir və başqaları üçün də nümunədir. Rayonumuzda keçirilən "Ekologiya üzrə açıq dərs”-də bir daha uşaqlar sübut etdilər ki, bugünkü təbiət bizdən asılı olduğu halda, sabahkı gündə biz ondan asılı qala bilərik.
Bu gün mən Bahar müəlliməyə təşəkkürümü bildirirəm ki, bu işləri ilə nəinki şagirdləri həm də böyükləri narahat olmağa vadar edir.
04.01.2011
İmza: Sultanova
İlhamə
| 
