"Yaşıl paket" tədris komplekti əsasında keçilən "açıq dərs" - 4 Февраля 2011 - biaz
Forma
Al, 03.12.2016, 01:12Xoş gəlmisiniz! Гость | RSS
Əməkdaşlıqla

zirvələrə doğru!
Menyu
Bölmənin kateqoriyası
Xəbərlər [86]
kaleydeskop [3]
Qısa maraqlı məlumatlar
Texnika [10]
IT aləmindən xəbərlər
Müxtəlif [2]
Elan [4]
Müəllimlər üçün [8]
Bahar [2]
Jurnal, qazet,...
web design [0]
Mini çat
Sorğumuz
Saytı qiymətləndirin
Cavablar cəmi: 4195
Daxil olma forması
Qoşulma sürəti
Qoşulma sürətini yoxlamaq üçün
kim saydadir
Onlayn cəmi 1
Qonaqlar 1
İstifadəçilər 0


Анализ интернет сайта







**************************
Zaqatala Tədris Mərkəzinə
yazmaq üçün



**********************

**********************

Погода в Закаталах

Ana səhifə » 2011 » Fevral » 4 » "Yaşıl paket" tədris komplekti əsasında keçilən "açıq dərs"
15:35
"Yaşıl paket" tədris komplekti əsasında keçilən "açıq dərs"
ARXİV 4 Fevral 2011 - №05


"Yaşıl paket" tədris komplekti əsasında keçilən "açıq dərs"




İsmayılova Bahar İsmayıl qızı - Azərbaycan Respublikasının qabaqcil təhsil işçisi, ali kateqoriyalı müəllim, respublika üzrə "Ən yaxşı müəllim" və digər müsabiqələrin ilk qaliblərindən biri, Zaqatala humanitar fənlər gimnaziyasının, Azərbaycan Müəllimlər İnstitutu Zaqatala filialının riyaziyyat-informatika müəllimidir. O, Zaqatala Tədris Mərkəzinin direktor müavini olmaqla Təhsil Nazirliyi və Bakı Elmi-Tədris Mərkəzinin birgə keçirdiyi ECDL "Avropa səviyyəli kompüter istifadəçisi", Təhsil Nazirliyi və "İntel" şirkətinin təhsildə İKT-nin tətbiqi üzrə "İntel-Gələcək üçün təhsil" kurslarının təlimçisi olmuşdur. 2000-ci ildə İT haqqında ilk kitabı (84 səh.), 2005-ci ildə həmmüəllifi olduğu "Kompüter aləmi" (504 səh.) kitabı nəşr edilmişdir. 2008-ci ildə Azərbaycan müəllimlərinin XIII qurultayının və bir sıra beynəlxalq konfransların nümayəndəsi olub. Məqalələri müxtəlif illərdə respublika qəzetlərində, "İT maqazine" jurnalında çap edilmişdir. Türk, rus, ingilis dillərini bilir. Ailəlidir, iki övladı var. İctimai televiziya tərəfindən lentə alınan dərs Əsl müəllim sinifdə, dərsdə "yanmalıdır". Müəllimlik elə bir zirvədir ki, onu fəth etmək, sözün əsl mənasında, müəllim olmaq hər kəsə nəsib olmur. Bahar müəllim məhz bu zirvəni özünəməxsus şəkildə fəth edən, öz dəst-xətti ilə seçilənlərdəndir. O, həm təcrübəli müəllim, həm də fəal təşkilatçıdır, rayonumuzda yeni təlim metodlarının tətbiqinə təkan verən bir çox işlərin icraçılarındandır. Onun haqqında müəllim yoldaşlarımdan, valideynlərdən həmişə çox gözəl sözlər eşitmişəm: "Bahar müəllim ilə söhbət edən insanın işinə, dərsinə həvəsi daha da artır, o, həmişə doğru yol göstərir"... Novatorluq, yaradıcılıq, daim axtarışda olmaq, müasir dünyagörüşü, səmimi yoldaşlıq, yorulmadan bu günlə ayaqlaşmaq səyləri... Bahar müəllimə xas olan səciyyəvi xüsusiyyətlərdəndir. Bu gün onun yetirmələrinin səsi dünyanın müxtəlif ölkələrindən, təhsil ocaqlarından gəlir. Bahar müəllimin Təhsil Nazirliyinin, rayon rəhbərliyinin, Zaqatala Tədris Mərkəzinin dəstəyi ilə rayonda təşkil etdiyi kurslar, ("45 müəllim", "İntel-Gələcək üçün təhsil" və s.) gördüyü bir çox işlər rayonumuzun müəllimləri üçün hədiyyədir. Azərbaycan Respublikası Təhsil Nazirliyi və Davamlı İnkişaf Cəmiyyəti ATƏT tərəfindən "Yaşıl paket" tədris komplekti əsasında İctimai və regional TV şirkətləri ilə birlikdə "açıq dərs"lər hazırlayıb yaymağa dəstək almışdır. 6 mövzu üzrə 6 regionda: Bakı, Gəncə, Lənkəran, Quba, Mingəçevir və Zaqatalada "acıq dərs"lər keçilmişdir. Bahar İsmayılovanın "Su və insanlar" mövzusunda keçdiyi "açıq dərs"də "Yaşıl paket" ekoloji layihəsini Azərbaycanda icra edən Davamlı İnkişaf Cəmiyyətinin rəhbəri Fikrət Cəfərov, İctimai TV-də "açıq dərs" proqramının aparıcılarından biri Orxan Hüseynli, rayon təhsil şöbəsinin müdiri Habil Qurbanov və müəllimlər iştirak edirdilər. Rayonun müxtəlif məktəblərində fəaliyyət göstərən "Yaşıl patrul" dəstələrini təmsil edən 18 nəfərdən ibarət, 3 qrupa bölünmüş şagirdlərin tədqiqatçılıq qabiliyyətləri, hazırcavablılığı, şagirdlərdən Eltac, Nicat, İsa, Əzizə, Əsmər və Rahimin qrupla birgə və fərdi hazırladıqları təqdimatlar, Nərminin qrupunun yazdığı inşa, Zərifənin "Global Classroom" saytı vasitəsilə bütün dünyanın uşaqlarına müraciəti, Saqibətin apardığı təcrübə, suallara verilən cavabların əhatəliliyi, dəqiqliyi, suyun həyatımızda əvəzedilməz rolu, sudan qənaətlə istifadə yolları və bunun vacibliyi, suyu çirkləndirən mənbələrin araşdırılması və dərsin əvvəlindən şagirdlərin qarşısında qoyulan problemlərin həlli ilə bağlı hər birimizin görə biləcəyimiz işlər haqqında fikirlər çox maraqlı və rəngarəng idi. Dərs İKT-nin tətbiqi ilə yeni təlim üsullarına əsaslanaraq keçildi (film nümayişi, qruplarla iş, diskussiya və s.). Şagirdlər kompüterlərdən sərbəst istifadə etməklə araşdırmalar aparır, müəyyən tapşırığı yerinə yetirir və proyektorla işlərini təqdim edirdilər. Dərsdə müəllim, sözün əsl mənasında, "bələdçi", "yol göstərən", şagirdlər isə "tədqiqatçı", "yaradıcı" idi. Bu dərs İKT-dən istifadə etməklə fənlərin inteqrativ tədrisinə ən gözəl nümunələrdən biri idi. Müəllim şagirdlərlə birgə mövzu ilə bağlı sadə, amma maraqlı və çox faydalı riyazi məsələ də həll etdi, mövzunun mənimsənilməsində şagirdlərin fizika, kimya, biologiya və s. fənlərin tədrisi zamanı qazandıqları biliklərə də əsaslandı. Təsadüfi deyildir ki, Bahar müəllimin ötən illərdə bir şagirdi rayonda ilk dəfə olaraq informatikadan olimpiadanın respublika turunun qaliblərindən olmuş, müəllim 2008-ci ildə şagirdləri ilə birgə "Yaşıl həftə" Ümumrespublika müsabiqəsində II yeri qazanmış, 2009-cu ildə 3 nəfər şagirdi "Gənc kompüter istedadı" müsabiqəsində III yeri tutmuşdur. Onlardan biri əlavə olaraq həm də "Ən gənc iştirakçı" nominasiyası ilə mükafatlandırılmışdır. 2010-cu ildə müəllim Avropa İnnovativ Müəllimlər müsabiqəsinin Azərbaycan mərhələsində, həm də "Elektron təhsil" müsabiqəsində III yeri qazanmışdır. Elə həmin il şagirdi Validə Məhərrəmova ilə birgə İREX (Beynəlxalq Tədqiqatlar və Mübadilələr Şurası) təşkilatının keçirdiyi müsabiqədə I yeri qazanmış, hər ikisi netbukla mükafatlandırılmışdır. 2010-cu il 5-7 iyul tarixində Qəbələ rayonunda Ekologiya və Təbii Sərvətlər Nazirliyi və BMT-nin Ətraf Mühit Proqramının birgə təşkilatçılığı ilə "Bioloji müxtəliflik və minilliyin inkişaf məqsədlərinə nail olunması" mövzusunda beynəlxalq konfrans keçirilib. İyulun 7-də biomüxtəliflik üzrə Avropa regionu nazirlərinin görüşündə Bahar müəllim də nümayəndə kimi iştirak etmiş və təşkil edilmiş beynəlxalq sərgidə "Təbiət məharətlə yaradılmış həyat simfoniyasıdır!" layihəsi əsasında hazırladığı işlər (təqdimatlar, şəkillər, filmlər...) böyük marağa səbəb olmuş və yüksək qiymətləndirilmişdir. Müəllimin şagirdlərindən riyaziyyat-informatika müəllimi işləyən və bu istiqamətdə təhsil alanlar az deyil. Bir şagirdi - Ağabalayeva Gülnar (Prezident təqaüdçüsü) Qafqaz Universitetinin kompüter mühəndisliyi fakültəsində təhsil alır. B.İsmayılovanın Zaqatala Tədris Mərkəzinin dəstəyi ilə hazırladığı biaz.ucoz.net saytından rayonumuzun müəllim və şagirdləri istifadə edir, saytla işləmə bacarıqlarına yiyələnirlər. Həyat QARDAŞOVA,
Zaqatala RTŞ-ın əməkdaşı
http://www.muallim.edu.az/arxiv/2011/05/35.htm

 
Bölmə: Xəbərlər | Oxunub: 1416 | Daxil edib: ztm | Teqlər: keçilən, komplekt, Yaşıl, Tədris, açıq dərs, əsas, paket | Reytinq: 5.0/1
Şərhlər cəmi: 9
9 bir qrup məktəbli   (30.08.2011 19:30)
dersin yerleşdirildiyi saytın İnternetde ünvanı: sdpu.az

8 esmer   (13.07.2011 11:19)
BAHAR MUELLIME SIZE BU ACIQ DERSI TESKIL ETDIYINIZ UCUN TESEKKUR edirem aciq ders super idi arzu edirem ki bele maraqli qeyri adi dersler tez tez kecirilsin ozde sizin kimi bir muellime ile. bele bir aciq ders yeniden olarsa soz verirem ki evvelki aciq dersde oldugu kimi yene de maraqla hevesle istirak ederem buna 100% emin olun. dEDIYIM KIMI MOVZU SUPERDIR
yeni su movzuzu sherhimi bir cumle ile bitirmek isteyirem
Su heyat ucun vacibdir demek dogru deyil cunki su ele heyatin ozudur))^
GOOD BYE DEAR BAHAR MUELLIME

6 Sultanova Ilham' (valdeyin)   (09.03.2011 19:54)
Azərbaycanın dilbər guşəsi olan Zaqatala rayonu havası, suyu və təbiəti ilə çox seçilir və sevilir. Bu təbiətdə böyüyüb, boya-başa çatmış, Zaqatalanın ən hörmətli ziyalılarından biri olan Ağayeva(İsmayılova) Bahar müəllimə, şagirdləri haqqında, onların gördüyü işlər haqda öz fikirlərimi qısaca söyləmək istəyirəm.
Bu günümüzdə təbiəti qorumaq hamımızın ən böyük arzularından biridir. Bu arzunu reallaşdırmaq üçün hər kəsi maarifləndirmək lazımdır. Bahar müəllimə yaşından asılı olmayaraq böyükdən-kiçiyə bütün şagirdlərə təbiəti sevməyi, onu qorumağı öyrədir, “Yaşıl Paket” komplektində olan diskdəki materiallardan həm bizim rayonun, həm də qonşu rayonların şagirdlərinin istifadə etməsinə çalışır. Uşaqlar diskdə olan maraqlı materiallardan həvəslə istifadə edir, biliklərini artırır, müxtəlif təcrübələr aparırlar. Gələcəkdə harada yaşamağından asılı olmayaraq bu günkü gənclər öyrəndiklərini başqalarına da öyrətməyə çalışacaqlar. Bahar müəllimə bu işləri ilə tərifə layiqdir və başqaları üçün də nümunədir. Rayonumuzda keçirilən Ekologiya üzrə açıq dərsdə bir daha uşaqlar sübut etdilər ki, bugün biz təbiəti nə qədər çox qorusaq gələcəyimizi qorumuş olarıq, planetimizdə həyatı uzatmaq üçün bir damla da olsa töhfə vermiş olarıq.
Bu gün mən “Yaşıl Paket” tədris komplektinin yaradıcılarına, Azərbaycanda, rayonumuzda bu dərslərin keçirilməsinə imkan yaradanlara, belə məşğələləri müntəzəm olaraq keçən Bahar müəlliməyə təşəkkürümü bildirirəm ki, belə işləri ilə nəinki şagirdləri, həm də böyükləri narahat olmağa vadar edir.

04.01.2011
İmza: Sultanova
İlhamə

Valideyin


5 danger   (05.03.2011 17:15)
cox xosuma geldi.... biggrin biggrin

4 iki nəfər şagird-- açıq dərsin iştirakçısı   (01.03.2011 21:12)
Nermin, iştirakçısı olduğumuz dərsə əla yox, qeyri-adi bir dərs demək daha doğru olardı , bu dərs haqqında çox gözəl sözlər söylənilib və nə qədər də söyləmək olar. Kaş belə dərslər tez-tez keçirləydi və biz də böyük həvəslə iştirak edərdik. Özümüzü tərifləmək kimi çıxmasın mən heç inanmırdım ki, belə sərbəst kompüterdə işləyə bilərəm və bu qədər maraqlı məlumatlar tapa və eşidə bilərəm Ucqar bir dağ rayonunda bizə belə şəraiti yaradanlara dərin minnətdarlığımızı bildiririk!

3 nermin   (28.02.2011 16:35)
ela cox xosuma gedliii

2 zerife   (21.02.2011 13:32)
Bahar muellime,size cox tessekkur edirem ki, mene de hazirladiginiz "aciq ders "-de su ile bagli oz fikirimi soylemeye imkan yaratdiniz.. Size gelecek islerinizde ugurlar
arzulayiram.. Calisacagam ki, hemise sizin ehtimadinizi dogruldum........ MEN SIZINLE FEXR EDIREM,YAXSI KI,VARSIZ.........yeniden tesekkur edirem.

7 ztm   (10.05.2011 10:33)
Zərifə, qızım, mən də sizin kimi şagirdlərimlə qürur duyuram və çox sevinirəm ki, həmişə yaxşı şagirdlərim olub və inşallah gələcəkdə belə şagirdlərin sayı daha da artacaq!

1 Fidan   (15.02.2011 16:37)
Bahar məllimə, Sizin və şagirdlərinizin uğurlarına çox sevinir həm də yaxşı mənada həsəd aparırıq. Gələn dəfə belə dərslər olanda biz də iştirak etmək istəyirk. Xahiş edirik, əvvəldən elan verin, biz də qoşulaq. İnanırıq ki, Sizə başucalığı gətirə bilərik. Əvvəlcədən təşəkkür edirik!
Nörmətlə: Bir qrup 8-ci sinif şagirdi.

Qeydiyatdan keçmiş istifadəçilər şərhlər əlavə edə bilər.
[ Qeydiyyat | Daxil ol ]
Axtar

************************

************************
Təqvim
«  Fevral 2011  »
BiİkÜçBeAlBa
 123456
78910111213
14151617181920
21222324252627
28
Teqlər

Musiqi mane olsa buradan
səsini azaldın və ya bağlayın


***********************

Ad günün mübarək!: cavidan2002(14)
**************************
Saytın dostları

**********************
  • Prezidentin mektebli saytı
  • kurikulum
  • tehsil portalı
  • Zaqatala
  • BİAZ
  • Innovativ Müəllimlər IMM
  • Zaqatala Tədris Mərkəzi 
  • antifenu
    *********************
  • Sayt yarat
  • Web_master üçün
  • Programlar_hamı üçün
  • Əyləcə dünyası
  • Runetin ən yaxşı saytları
  • Kulinariya
    **********************
  • Səbət

    *********************


    30 avqust 2010 tarixdən
    ***********************
    free counters


    *******************
    new!!!
    УстановитеFlash player