Vergi inzibatçılığı üçün işlənib hazırlanmaqda olan proqram təminatının tərkibinə vergi ödəyicilərinin qeydiyyatı, gəlirlərin uçotu, bəyannamələrin işlənməsi, audit, borcların məcburi tutulması, apelyasiya, üçüncü tərəfin məlumatları modulları və güclü korporativ sayt daxil olacaq. Proqram təminatı Dövlət Vergi Xidmətinin mərkəzi aparıtını, iri vergi ödəyicilərilə iş üzrə idarəni və 55 rayon müfəttişliyini vahid informasiya sistemi çərçivəsində birləşdirməyə imkan verəcək və avtomatlaşdırılmış hesabatların hazırlanması üçün imkan yaradacaq. Bundan əlavə, hökumətin digər maliyyə qurumları ilə məlumat mübadiləsi və verilənlər bazalarının sinxronlaşdırılması da təmin olunacaq. Vergi ödəyicilərilə işi daha da yaxşılaşdırmaq məqsədilə Call-mərkəzi (call-centre) sistemi tətbiq olunacaq.

Proqram həllərinin tətbiqi Qırğızstanın vergi orqanlarına vergi yığımı prosesini daha səmərəli şəkildə idarə etməyə imkan verəcək və dövlət büdcəsinə vergi yığımının səviyyəsini artıracaq.

Qeyd etmək lazımdır ki, tenderin final mərhələsində SİNAM şirkəti e-hökumət üçün nəzərdə tutulmuş analoji sistemlərin işlənib hazırlanmasında dünyanın aparıcı şirkətlərindən olan FreeBalance (Kanada) şirkətinə qalib gəldi.

Tenderdə iştirak etmək üçün proqram təminatını hazırlayacaq şirkət qarşısında bir neçə təsnifat tələbi var idi: Asiya İnkişaf Bankınının üzvü olan ölkəyə mənsubiyyət, 2007-2009-cu illərdə minimal illik dövriyyənin 3 milyon ABŞ dollar olması, proqram təminatının işlənin hazırlanması üçün ISO9001 sertifikatına malik olma. Bundan əlavə, 2005-2009-cu illərdə hər birinin dəyəri 2 milyon ABŞ dolları və ya daha çox olan proqram təminatının hazırlanması və tətbiqi sahəsində iki oxşar layihənin yerinə yetirilməsi təcrübəsinin olması zərur şərt idi.

SİNAM şirkətinin prezidenti Elçin Əliyevin sözlərinə görə xarici ölkədə keçirilən tenderdə qalibiyyət azərbaycanlı proqramçıların yüksək səviyyəsinin bir sübutudur. “Son illər ərzində Azərbaycanda dövlət idarəetmə sistemində informasiya-kommunikasiya texnologiyaların tətbiqi sahəsində bir neçə iri layihə həyata keçirilib. Regiounun aparıcı sistem inteqratorlarından birisi kimi SİNAM şirkəti Dövlət Gömrük Komitəsi, Dövlət Sosial Müdafiə Fondu, Azərbaycan Mərkəzi banı, Gənclər və idman Nazirliyi, Rabitə və İnformasiya Texnologiyaları nazirliyi, Çaliyyə Nazirliyi və s. kimi qurumların layihələrində iştirak etmişdi. Dövlət başçısı Azərbaycanda İKT sektoru prioritet elan etmişdir və bizim məqsədimiz dövlət strategiyasını rəhbər tutaraq xarici bazarlara çıxmaqdan ibarətdir. Bunun üçün şirkətimizin Azərbaycanda qazanılmış nadir təcrübəsi və mütəxəssislərdən ibarət komandası var”, deyə E.Əliyev qeyd etdi