2010-cu ilin avqust ayından etibarən, Azerfon-Vodafone 3G şəbəkəsi Quba, Xaçmaz və Lənkəran şəhərlərində də istifadəyə verilir. Əhatə dairəsinə daxil edilmiş bu üç yeni şəhər ilə, Bakı, Sumqayıt, Gəncə, Naxçıvan, Mingəçevir, Şəki, Tovuz və Şəmkirdə, Azerfon-Vodafone-un 3G xidmətləri hazırda Azərbaycanın 11 şəhərində istifadə olunur. Azerfon şirkətinin İdarə Heyətinin sədri Cüneyt Türktan: «Azerfon-Vodafon-un 3G texnologiyası əsasında təqdim etdiyi xidmətlərə müştərilərin dayanmadan artan marağını nəzərə alaraq, biz bu şəbəkənin əhatə dairəsini Lənkəran, Quba və Xaçmaza da genişləndirməyi qərara aldıq. Biz bilirik ki, Azərbaycanda İnternet istifadəçilərinin sayı xeyli yüksəkdir. Get-gedə, daha çox insanlar 3G xidmətlərini dəstəkləyən telefonlar vasitəsi ilə İnternetdən istifadə edirlər, və məhz bu səbəbdən hazırda Azerfon-Vodafon-un xidmətləri geniş populyarlıq qazanmışdır.” 2009-cu ilin dekabr ayından, Azerfon-Vodafone müştərilərinə 3G xidmətləri, və o cümlədən, video zəng, məlumatların yüksək surətli ötürülməsi, daha yüksək keyfiyyətli səs, daha geniş əhatə dairəsi və istifadə həcmlərini təklif etməkdədir. Məlumatın saniyədə 384 Kb qədər sürətlə ötürülməsinə imkan verən ümumi 2G texnologiyasından fərqli olaraq, istifadəyə verilmiş 3G xidmətləri Azerfon-Vodafone-un müştərilərinə məlumatın ötürülməsində saniyədə 3.6 Mb qədər sürətdən istifadə etmək imkanını yaradır. Hazırda, sürətli Mobil İnternet istifadəçiləri və rominq xidmətlərinə ehtiyacları olanlar üçün Azərfon-Vodafone birinci seçimdir. Nəzərə alaraq ki, Azerfon-Vodafone Vodafone şirkətinin qlobal rominq şəbəkəsindən istifadə imkanlarına malikdir, şirkətin müştəriləri dünyanın 108-dən çox olan ölkəsində çox rahat və əlverişli tarifli rominq xidmətlərindən yararlana bilərlər. Azerfon-Vodafone tərəfindən təklif edilən ən son kampaniya məhsulları arasında daha aşağı qiymətli rominq xidmətlərini təklif edən Həmişə Ünsiyyətdə Ol tarif paketini (səyahət zamanı 30-dan 70-dək pulsuz dəqiqə və SMS), habelə pulsuz qoşulma haqqı olan yeni 3G+ tariflərini qeyd etmək olar. Təklif edilən paketlər ilə daha təfərrüatlı məlumat ilə www.azerfon-vodafone.com ünvanında tanış olmaq mümkündür.
|